Sami leistur sum í fjør um gongd í haga í Mykinesi

Gongdin í haganum í Mykinesi verður skipað eftir sama leisti sum í fjør, siga hagapartarnir í Mykinesi.

Royndirnar í fjør vístu, at tað er ein avgjørdur fyrimunur, at ferðafólkini ganga í bólkum við ferðaleiðara eftir einum skipaðum leisti.

Tí verða túrarnir í ár skipaðir eftir sama leisti, tað er við somu treytum og túrum.

Bara vaksin útlendsk ferðafólk og vinnulig ferðavinna, sum rinda fyri ferðaleiðara og gongugjald, sleppa í hagan. 

Gjaldið verður óbroytt, 400 krónur. Og opið er millum klokkan tíggju fyrrapart og fimm seinnapart.

Føroyingar og børn gjalda einki, men neyðugt er at bóka túrin á hiking.fo.