Skerd hoyrn kann elva til demens

Skerd hoyrn kann elva til minnissvinn, demens.

Tað vísir nýggj kanning hjá Syddansk Universiteti. 

Niðurstøðan hjá granskarunum er, at tað er upp í 13 prosent størri vandi fyri at fáa minissvinn, um fólk við skerdari hoyrn verða samanborin við fólk, sum ikki hava trupulleikar við hoyrnini.

Vandin sæst serliga hjá fólki, har hoyrnin er nógv skerd.

Hjá fólki við sera ringari hoyrn, er vandin fyri at fáa minnissvinn øktur upp í 20 prosent, um samanborið verður við fólk, sum ikki hava trupulleikar við hoyrnini.

Universitetið hevur kannað dátur frá næstan 600.000 fólkum frá 2003 til 2017. Tað eru øll fólk, sum eru eldri enn 50 ár í Region Syddanmark. Eingin teirra hevði minnissvinn, áðrenn kanningin byrjaði.