Nógv færri skúlar og nógv fleiri næmingar

Seinastu 25 árini eru fólkaskúlarnir vorðnir helvtina færri, men miðal næmingatalið er ein triðing størri.

Í 1957 vóru 96 fólkaskúlar í Føroyum, og miðal næmingatalið tá 57, skrivar Skúlablaðið.

Nú eru fólkaskúlarnir 39 og miðal næmingatalið er 180.

7.020 næmingar eru í fólkaskúlanum hetta skúlaárið.

Frískúlar aftrat

Haraftrat eru 167 næmingar í teimum trimum frískúlunum. 

Minsti skúlin er Húsar-Syðradals skúli í Kalsoynni, har tað eru tveir næmingar.

Skúlin á Fløtum í Havn er tann størsti við 776 næmingum.

Seinastu árini eru skúlar við 50 næmingum og færri fækkaðir í tali.

Í 2008 vóru 33 skúlar við færri enn 50 næmingum, í dag eru teir 15, skrivar Skúlablaðið.