Fronsk fregatt í føroyskum sjógvi

Fyrrapartin hevur ein fronsk fregatt siglt gjøgnum føroyskt sjóumveldi.

Fyri løtu síðani var fregattin, sum á vesselfinder kallast NATO krígsskip, í Svínoyarfirði.

Uttanríkis- og Vinnumálaráðið skrivar, at franska fregattin FS Bretagne skuldi koma í føroyskt sjóumveldi á veg norðureftir. 

Hon skuldi sigla gjøgnum Nólsoyarfjørð og síðani halda leiðina fram ígjøgnum Djúpini.

Úr Uttanríkis- og Vinnumálaráðnum verður sagt, at skipið bað um loyvi at sigla gjøgnum føroyskt sjóøki, og varð samstundis kunnað um, at treytirnar fyri at sigla í føroyskum øki, eru at eingi kjarnorkuvápn eru umborð.

FS Bretagne hevur verið í Føroyum fyrr.