Avgerðin um maskinorku staðfest í Sjóvinnuráðnum

Maskinmeistarafelagið er ikki nøgt við, at Sjóvinnustýrið hevur ásett framtøkumegina á rannsóknarskipinum, Jákupi Sverra, til minni enn 3.000 kiloWatt, sum er markið fyri, um tað krevst maskinistur ella maskinmeistari umborð á skipinum. 

Sambært Maskinmeistarafelagnum vísa royndir hjá Wartsila-motorverksmiðjuni, at samlaða maskinorkan á Jákup Sverra er 3.144 kilowatt. 

Hans Johannes á Brúgv, Sjóvinnustýrið, 16:9

Hans Johannes á Brúgv er stjóri íSjóvnnustýrinum. (Mynd: Bjarni Árting Rubeksen)

Hans Johannes á Brúgv, er stjóri í Sjóvinnustýrinum, og hann vísir á, at avgerðin hjá teimum er staðfest í Sjóvinnuráðnum.

Hoyr innslag í útvarpstíðindunum:

Málið snýr seg helst mest um hýru, tí um krav var um, at tað skal vera ein maskinmeistari umborð, so hevði hýran verið størri enn fyri ein maskinist. 

Hans Johannes á Brúgv vísir hinvegin á, at tað einki er til hindurs fyri hjá Havstovuni at hýra ein maskinmeistara til skipið.