50 flóttafólk aftrat

Uppskot er nú um at geva 50 flóttafólkum aftrat úr Ukraina fyribils uppihaldsloyvi í Føroyum.

Løgmálaráðið mælir til at seta í gildi ríkislógartilmæli um at hækka talið úr 200 upp í 250.

Higartil hava 180 flóttafólk úr Ukraina fingið fyribils uppihaldsloyvi í Føroyum.

Tey eru 103 kvinnur, 25 menn og 52 børn. 

41 teirra eru farin av landinum aftur, upplýsir Løgmálaráðið.

Um útreiðslurnar til at hækka talið ikki kunnu fíggjast við verandi játtan, má eykajáttan til, sigur Løgmálaráðið.

Uppskotið er sent til hoyringar. Hoyringarfreistin er 6.februar.