Spælararnir skulu vera ernir

Føroysku spælararnir skulu vera ernir av einum góðum avriki í sínum fyrsta dysti í EM-endaspælinum.

Tað segði føroyski landsliðsvenjarin, Peter Bredsdorff-Larsen, eftir trímálstapið fyri Slovenia á Mercedes Benz-Arena hósdagin.

Føroyar var stundum á odda fyri steðgin, tá tað var javnleikur, men so líðandi sóust royndirnar hjá Slovenia, sum til endans vann 32-29.

 - Vit vita, at vit vóru á odda í fyrra hálvleiki, og vit vita eisini, at støðan var 29-27, tá vit høvdu onkran møguleika, segði Peter Bredsdorff-Larsen.

 - Vit hava trupulleikar í verjuni, og tað sæst, at vit til dagligt spæla við minni ferð og ímóti spælarunum, sum ikki duga tað, sum slovenar gera. Teir skora ov nógv mál eftir steðgin, staðfesti venjarin.