Fjarskiftiseftirlitið fær størri heimildir

Fjarskiftiseftirlitið fær skjótt størri heimildir at fremja nettrygd og at verja føroyingar fyri netálopum.

Uttanríkis- og vinnumálaráðið hevur gjørt eitt uppskot um broytingar í fjarskiftislógini, sum er sent til hoyringar.

Endamálið við uppskotinum er at geva Fjarskiftiseftirlitinum heimild til at kortleggja og gera kanningar á netinum. 

Uppskotið er týðandi liður í at røkka málinum í nettrygdarætlanini hjá landsstýrinum frá september í fjør, sigur Uttanríkis- og Vinnumálaráðið.

Í fíggjarlógini fyri 2024 er lagt upp fyri, at Fjarskiftiseftirlitið fer undir átøk í sambandi við nettrygd.

Sí uppskotið, sum er sent til ummælis, her.