Floksfelagar finnast at Vermund

Nógvir limir vilja hava flokkin at halda fram.

Danska kringvarpið hevur ringt til allar 56 formennirnar fyri lokalfeløgini hjá flokkinum, og fingið orðið á 48 teirra. 

Av teimum taka 16 ikki undir við, at flokkurin verður avtikin. Einans níggju taka undir við støðutakanini hjá Pernille Vermund, meðan 23 ikki hava tikið støðu ella vilja siga nakað.

Meginparturin av teimum fara at gera sína støðu upp komandi vikurnar, tá teir hava hildið fund í nevndunum fyri lokalu feløgini, meðan fleiri siga, at teir hella til, at nýggi borgarligi flokkurin heldur fram.

Ein av teimum, sum vil hava flokkin at halda fram, er formaðurin fyri í lokalfelagið í Faxe, René Nielsen. 

- Eg haldi, at Pernille hevur svikið sítt bakland og flokkin sum heild. Hetta er ein døpur støða, og eg eri í øðini, tí hetta er ikki nakað, hon lovaði, sigur René Nielsen við danska kringvarpið.