Byggiloyvi til hoyringar

Fólk hava hesa vikuna aftrat at kunna seg um byggiloyvið, sum Tvøroyrar kommuna ætlar at geva Varðanum Pelagic.

Almenna framløgan er á býráðsskrivstovuni á Tvøroyri til fríggjadagin, frá klokkan 09.00 til klokkan 15.00.

Talan er um skorstein, sum er 60 metrar høgur, og goymslubrunnar, sum eru 20 metrar høgir.

Tá loyvi skal gevast til so høga bygging, skal almenn hoyring vera. 

Varðin Pelagic sleppur at byggja á Tvøroyri, tá Umhvøvisstovan hevur góðkent umhvørvisáriniskanningina hjá Varðanum Pelagic.

Varðin Pelagic skal fylla út sjóøkið eystan fyri verandi virkisbygning.

Har skal so byggjast protein- og lýsiverksmiðja.