Hummaraveiða norðan fyri Streymin og í Hvannasundi

Nú verður loyvt at taka hummara norðan fyri Streymin og í Hvannasundi.

Talan er um hummaraveiðu til húsbrúks.

Uppskot er gjørt um at broyta kunngerðina um fiskiskap eftir hummara til húsbrúks.

Í kunngerðini, sum kom í 2022, vóru økini sett eftir, um vinnulig veiða hevði verið har undanfarnu árini. Um hetta broyttist, skuldi regluverkið endurskoðast.

Og tað verður tað nú, tí vinnuliga veiðan norðan fyri Streymin og í Hvannasundi er við at taka seg upp aftur.