TAKS nútíðargerast fyri 150 milliónir

Næstu seks árini skal TAKS nútíðargerast fyri 150 mió. kr.

Uppskot er gjørt um heildarætlan um Kjarnan, tað er verklagslóg um at nútímansgera toll- og skattaskipanir árini 2024 til 2029.

Mett var í 2022, at verkætlanin fór at kosta 100 mió.kr. 

Við prísvøkstri og váðaískoyti verður nú mett, at hon kostar 150 mió.kr., sigur Fíggjarmálaráðið. 

11 milliónir játtaðar

Í ár eru játtaðar 11 mió.kr. til verkætlanina.

Skipanirnar, sum nú eru, byggja á tøkni frá 1980'unum.
 
Eitt ættarliðskifti av KT-fólkum er á veg. 

Tað fer at gera tað torført at finna starvsfólk at viðlíkahalda tær gomlu skipanirnar. 

TAKS kann ikki veita vissu fyri, at skipanirnar kunnu koyra longur enn fimm-seks ár aftrat.