Atgongumerkini seld eftir fáum sekundum

Eftir fáum sekundum vóru øll atgongumerkjuni til hondbóltslandsdystin millum Føroyar og Norður Makedonia seld í netsøluni í dag.

Nógv fólk vóru klár at keypa, men sluppu ikki, tí atgongumerkini vóru útseld alt fyri eitt.

Forkvinnan í Hondbóltssambandinum, Gunn Ellefsen, skilir væl, at fólk eru vónsvikin, men heldur ikki at leisturin eigur at vera skipaður øðrvísi.

Lutfalsliga nógv fólk fáa fríbillett til landsdystin, - eitt nú sjálvboðin, fólk í hondbóltsfeløgunum, eisini fáa landsliðsspælarar og stuðlar atgongumerki.

Á middegi í dag fóru okkurt um 850 atgongumerki til sølu hjá øllum at keypa.

Hoyr innslag í útvarpstíðindunum

Dysturin millum Føroyar og Norður Makedonia verður spældur 8. mai. Hann er fyrri av tveimum HM play-off dystum.

Seinni dysturin verður spældur í Norður Makedonska høvuðsstaðnum Skopje 12. mai. 

Vinnarin kemur til HM-endaspælið í januar næsta ár, sum verður spælt í Danmark, Norra og Kroatia,.