Góðar vónir til avgerandi dystir

Góðar vónir til avgerandi dystir
Hóast nógvir nýggir leikarar eru við í hópinum, eru vónirnar góðar, sigur Brynja Høj undan týðandi EM-undankappingardystunum ímóti Luksemburg í næstum
26.02.2024 - 15:27

Bestu føroysku hondbóltskvinnurnar hava góðar vónir til týðandi EM-undankappingardystirnar ímóti Luksemburg í næstum.

 - Vit eru væl fyrireikaðar og hópurin er góður, so vit fara avstað og ætla okkum tvey stig, sigur Brynja Høj, sum telist millum royndastu spælararnar í hópinum.

Fyrri dysturin landanna millum er á útivølli mikudagin, og sunnudagin taka Føroyar ímóti Luksemburg á Hálsi í Havn.

 

Skulu brúka ferðina

Føroyar hava spælt tveir dystir higartil í EM-undankappingini og hava tapt báðar ímóti ávíkavist Svøríki og Íslandi. Hin fyrri endaði 37-20 til Svøríki, meðan heimadysturin ímóti Íslandi endaði við teprum tapi eftir ein javnan dyst.

Til ber at spæla seg til endaspælið við at enda á triðja plássi, og tí hevur tað stóran týdning at vinna dystirnar ímóti Luksemburg, sum tapti stórt, 32-14, í Íslandi. Tað skal gerast við skjótum spæli, sigur Brynja Høj.

 - Vit verða noyddar at brúka ferðina. Okkara spælarar eru nokkso lítlir, men rættiliga fintusterkir, og vit eru best, tá vit møta okkara mótstøðuliðum við nógvari ferð, greiðir sterki verjuspælarin úr Neistanum frá.

 

Útskifting í hópinum

Súna Krossteig Hansen úr Ajax København sat uttanfyri ímóti Íslandi við brotnum fingri, men hon er við aftur, og mannar ivaleyst bakketuna saman við Janu Mittún úr Viborg og Mariu Pálsdóttir Nólsoy úr Neistanum.

Á vonginum er stór útskifting í mun til dystirnar í fjør. Brynhild Pálsdóttir og Turið Arge Samuelsen eru ikki tiknar út, og fleiri nýggir spælarar eru við í staðin. Anna Elisabeth Halsdóttir Weyhe, Hervør Niclasen, Inga Maria Roysdóttir eru allar nýggjar í mun til dystin ímóti Íslandi.

 - Eg eri sikkurt upp á, at tær fara at røkta uppgávuna væl, sigur Brynja Høj.

 

 
Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592