Suðurkorea hevur framvegis minsta burðatal

Burðartalið í Suðurkorea er tað minsta í øllum heiminum, og tað minkaði enn meira í fjør.

Í Suðurkorea eigur hvør kvinna í miðal 0,72 børn. Tað vísa tøl frá koreansku hagstovuni, sambært Reuters.

Hetta er fjórða árið upp í slag, at burðatalið minkar. Í 2022 var tað 0,78.

Til samanberingar var burðatalið í Føroyum 2,05 í 2022.

Suðurkorea er einasta land í OECD, sum er felagsskapurin um búskaparligt samstarv, har burðatalið er minni enn eitt. Tað hevur tað verið síðani 2018.

Landsins stjórn hevur sett sær sum mál at venda gongdini.