- Tíðindi, mentan og ítróttur
Lønir til løgtingsfólk: Uppskotið verður lagt fram í morgin
![](https://kvf.fo/sites/default/files/styles/grein-ovasta-mynd/public/lonir.jpg?itok=xjgw9xvg)
Í morgin er formansskapurin í løgtinginum at leggja fram uppskot um eftirløn og samsýning til løgtingsfólk.
Hálvan februar legði ein arbeiðsbólkur, sum hevur gjørt uppskot um nýggja lønarskipan til løgtingsfólk, fram álit um broytingar í samsýningum og eftirlønum.
Formansskapurin hevur viðgjørt tilmælið hjá arbeiðsbólkinum, sigur Bjørt Samuelsen, løgtingsforkvinna:
Størstu broytingarnar eru, sambært álitinum hjá óhefta arbeiðsbólkinum, at lønin hækkar slakar 7.000 krónur - úr stívum 46.000 upp í 53.000 krónur.
Samstundis verður skattafría kostnaðarendurgjaldið, sum er 2.000 krónur um mánaðin, strikað, og eftirlønin verður broytt til 15 prosent, soleiðis at hon svarar til skipanir, sum eru galdandi á arbeiðsmarknaðinum.
Fyrsta viðgerð av uppskotinum verður seinni í hesum mánaðinum.