Landsstýriskvinnan: SEV ikki biðið um at góðkenna prísbroyting

- SEV hevur ikki formliga sett fram nakað ynski um at taka avslátturin av, ella biðið Elveitingareftirlitið um at góðkenna prísbroyting.

Tað sigur Ingilín D Strøm, landsstýriskvinna í umhvørvismálum, í svari til Erling Eidesgaard, løgtingsmann, sum spurdi um ætlanina hjá SEV at strika avslátturin til hitapumpur og elbilar.

Landsstýriskvinnan vísir á, at í ársfrásøgnini hjá SEV verður víst til, at orsøkin til at avtaka avslátturin, er at mvg-afturberingin fyri hitapumpur fram móti 2028 verður tikin av.

Men hetta heldur landsstýriskvinnan ikki kann samanberast.

- Mvg-afturberingin er ein afturbering fyri íløguna, ið verður gjørd, tá hon verður gjørd. Skipanin við avsláttinum hinvegin tryggjar eina sparing yvir livitíðina av tí útgerð, sum er keypt.  Slík útgerð hevur vanliga væl yvir 10 ára livitíð, sigur Ingilín D. Strøm í svarinum til Erling Eidesgaard.

Les spurningin og svarið her.