Politikarar kunnaðir um kommunusamanlegging í Suðuroy

Klokkan 10 fyrrapartin vóru teir tríggir borgarstjórarnir í Suðuroyar norðaru helvt kunnaðir um vansar og fyrimunir við at leggja Fámjins-, Tvøroyrar- og Hvalbiar kommunur saman.

Arbeiðsbólkur við umboðum fyri tær tríggjar kommunurnar hevur í umleið eitt ár arbeitt við at kanna vansar og fyrimunir við samanlegging, og nú verða politikararnir kunnaðir um niðurstøðuna.

Róin Schrøder hevur verið formaður í arbeiðsbólkinum.  

Nú klokkan eitt, tá ið borgarstjórarnir eru kunnaðir, koma allir bygda- og býráðslimirnir í teimum trimum kommununum við á fundin at fáa kunningina frá arbeiðsbólkinum.

Tað stóð øllum sjey kommununum í Suðuroy í boði at gerast partur av arbeiðnum, men bara Fámjins kommuna, Tvøroyrar kommuna og Hvalbiar kommuna vóru áhugaðar í at gerast partur av arbeiðsbólkinum.