Fólkaskúlin skal hava nakrar milliónir aftrat

Biðið er um 5,6 mió.kr. aftrat til at reka fólkaskúlan í ár.

Tær eru neyðugar, skal virksemið, sum er hetta skúlaárið, halda fram komandi skúlaár, sigur Barna- og Útbúgvingarmálaráðið.

Næmingatalið verður tað sama sum í hesum skúlaárinum. 

Orsøkin til eykajáttanartørvin í ár er hallið í fjør, tí lønarsáttmálarnir vóru dýrari enn mett. 

Og játtanin í ár er ikki framskrivað við fullari lønarframskriving. 

Verður játtanin hækkað, fer fólkaskúlin at kosta slakar 463 milliónir í ár.