Býráðslimir fara víðari við málinum um umval í Runavík

Teir fimm býráðslimirnir, sum stevndu Fíggjarmálaráðnum við kravi um at broyta avgerðina hjá myndugleikunum at lýsa umval í allari Runavíkar kommunu, halda fram við málinum.

Tað sigur Tóri Højgaard, varaborgarstjóri í Runavíkar kommunu, og ein av teimum fimm, sum hevur stevnt.

Róð verður framundir, at landsrætturin í revsimálinum í síðstu viku meira ella minni hevur staðfest, at talan er um valsvik.

Tóri Højgaard sigur, at eftir teirra tykki er tað ein ov ógvisliga avgerð at vraka alt valið í Runavíkar kommunu av einari ivasamari atkvøðu.

Hoyr innslag í útvarpstíðindunum: 

Vit hava biðið Løgmansskrivstovuna um viðmerking til málið, men haðani hava vit fingið tað skrivliga svarið, at løgmaður ikki hevur viðmerkingar til revsimálið.

Viðvíkjandi málinum um umval, sigur Løgmansskrivstovan, at tað er til viðgerðar í Føroya rætti, og gongur sína gongd.