Netanyahu viðgongur: Ísrael drap av misgávum tey sjey neyðhjálparfólkini

Í gjár vóru sjey hjálparfólk hjá neyðhjálparfelagsskapinum, World Central Kitchen, av misgávum dripin í einum ísrelskum loftálopið í Gasageiranum.

Ísrelski forsætisráðharrin, Benjamin Netanyahu, viðgongur nú, at tað var Ísrael, ið stóð fyri atsóknini. 

Netanyahu harmast syrgiligu hendingina. 

World Central Kitchen, Ísrael, Gasa

"Hetta hendir í krígstíð. Vit kanna hendingina gjølla og gera alt fyri at tryggja okkum, at slíkt ikki hendir aftur," sigur Netanyahu í sjónbandaupptøku.

Tey sjey neyðhjálparfólkini, sum vóru dripin, tá ísrelska loftálopið rakti bilafylgi teirra, eru úr Avstralia, Póllandi, Bretlandi, eitt fólk hevur bæði amerikanskan og kanadiskan ríkisborgaraskapi, og so var ein palestini.

World Central Kitchen, Ísrael, Gasa

Neyðhjálparfelagsskapurin World Central Kitchen hevur fyribils steðgað øllum neyðhjálpararbeiðinum í Gasageiranum.