USA umhugsar at sleppa málinum móti Assange

USA umhugsar at sleppa málinum móti Assange
Í USA er stovnarin av Wiki Leaks ákærdur at hava almannakunngjørt túsundtals loynilig skjøl
Í 2029 slepti Svøríki einum máli móti Julian Assange valdstøku og kynsligan harðskap.
Mynd: Reuters  
 
11.04.2024 - 08:20

USA umhugsar at sleppa rættarmálinum móti Julian Assange.

Tað segði amerikanski forsetin, Joe Biden, í gjár, sambært Sky News.

Í februar tók avstralski forsætisráðharrin, Anthony Albanese, undir við einum uppskoti um, at fáa Julian Assange aftur til Avstralia.

Tá ið Biden var spurdur um málið í Hvítu húsunum, svaraði hann Sky News:

- Vit umhugsa tað.

 

Stovnaði Wiki Leaks

Julian Assange er avstraliari og stovnaði WikiLeaks.

Í USA er hann ákærdur fyri at hava almannakunngjørt túsundtals loynilig skjøl á Wikileaks. Eitt nú nøvnini á trúnaðarkeldum hjá amerikonsku verjuni. 

WikiLeaks hevur eisini almannakunngjørt m.a. sjónbandaupptøkur av tveimum journalistum, sum lótu lív í einum amerikonskum tyrluálopi.

 

Kann fáa 175 ár

Assange kann vera dømdur 175 ára fongsul í USA, verður hann funnin sekur í øllum ákærum, millum annað um njósning.

Assange hevur sitið sjey ár í Belmarsh-hátrygdarfongsli í London fyri at sleppa undan at vera útflýggjaður Svøríki, í sambandi við eitt mál um valdstøku og kynsligan harðskap.

Svøríki slepti málinum í 2019.

Er kopiera
Nýggjastu sendingar í ÚV
Fríggjadag 18. juli
RagnarRokk: Erica Stoltz um Heat Lightning
194126
Fríggjadag 18. juli
Morgunlestur fríggjadagur 18.juli 2025
194089
Hósdag 17. juli
Morgunlestur hósdagur 17.juli 2025
194088
Mikudag 16. juli
Vit nerta við vaksin og skermar
194561
Nýggjastu sendingar í SV
Hósdag 17. juli
Lívia Mattos í løtuni á G!
194633
Hósdag 17. juli
Benjamin Rajani & Jónas Gaard á G!
194619
Mikudag 16. juli
3-2
194579
Mikudag 16. juli
Dagur og vika - teknmálstulkað
194550
Týsdag 15. juli
Veðrið
194514