- Tíðindi, mentan og ítróttur
Eftir tvey tung ár: J&K Petersen 7,7 milliónir í avlopi
Eftir tvey tung ár: J&K Petersen 7,7 milliónir í avlopi
Ársroknskapurin hjá J&K Petersen fyri 2023 er nú tøkur. Hall er vent til yvirskot, og byggifyritøkan hevði 7,7 milliónir í avlopi í 2023.
![](https://kvf.fo/sites/default/files/styles/grein-ovasta-mynd/public/mynd_2_10.jpg?itok=OGYh-PPN)
Mynd: J&K Petersen
17.04.2024 - 14:48
Hall er vent til yvirskot hjá J&K Petersen.
Roknskapurin hjá J&K Peterseb fyri 2023 vísir 7,7 milliónir í avlopi. Tað skrivar byggifyritøkaní tíðindaskrivi í dag.
Í fjør summar staðfesti J&K Petersen í hálvársroknskapinum, at vend var komin í raksturin, eftir at 2022 og 2021 høvdu verið tung ár.
Á aðalfundinum 15. apríl var ársroknskapurin fyri 2023 lagdur fram og samtyktur. Umsetningurin hjá samtakinum var 339,5 milliónir krónur í fjør, og hetta er tað mesta í søguni hjá samtakinum. Roknskapurin vísir 7,7 milliónir krónur í avlopi fyri skatt. Einki stendur um, hvat avlopið var í 2022.
Samtakið telur feløgini J&K Petersen Contractors, J&K Betong, Klettur og Miðvágs Grót.
Umleið 130 fólk starvast hjá J&K Petersen
Nýggjastu sendingar í ÚV
Nýggjastu sendingar í SV