Umhugsar at krevja endurgjald fyri varðhald av órøttum

Maðurin, sum fekk fýra mánaða fongsulsrevsing í stóra hassjmálinum, sat meira enn dupult so nógvar mánaðir í varðhaldi.

Verji hansara, Jens Rask, væntar, at maðurin fer at søkja um endurgjald fyri at vera varðhaldsfongslaður av órøttum.

Men avgerð er ikki tikin um tað enn.

Freistin at søkja um endurgjald er tveir mánaðir. 

Endaligur dómur

Málið fer ikki í Landsrættin, so dómurin hjá Føroya rætti er endaligur.

Maðurin, sum er úr Litava, er sagdur úr Føroyum og kann ikki koma higar tey næstu trý árini.

Hann er farin úr Føroyum.

Kravið um endurgjald verður sent statsadvokatinum. 

Sigur hann nei, kann tann avgerðin kærast til ríkisadvokatin.