Atkvøða um átta mál í tinginum í dag

Atkvøtt verður um átta mál á tingfundinum í dag.

Tvær triðju viðgerðir eru og seks aðru viðgerðir.

Bara ein fyrsta viðgerð er í dag. Hon er um uppskotið um at høvuðsumvæla og umbyggja skúlabygningarnar á Frælsinum i Havn, har sum Læraraskúlin og Venjingarskúlin vóru.

Teir skulu brúkast til fróðskaparsetur.

13 milliónir aftrat

Fyrst var biðið um 24 milliónir. Nú er løgtingið biðið um 13 milliónir aftrat.

Kostnaðarmetingin hjá Landsverki er 37 mió. kr., nú tilboðini eru komin.

Og arbeiðið er størri nú, enn tað var, tá biðið var um 24 milliónir.

Tingfundurin í dag er klokkan eitt.