420 fólk løgdust aftrat fólkatalinum seinasta árið

420 fólk løgdust aftrat fólkatalinum seinasta árið, og 1. apríl búðu 54.642 fólk í Føroyum.

Vøksturin er 0,8 prosent, men tað er minni enn undanfarna 12 mánaða skeið, upplýsir Hagstovan. 

Fólkatalið er vaksið seinasta árið, tí burðaravlopið var 151 fólk, og nettoflytingin var 269.

Burðaravlop og nettoflyting vóru kortini minni enn undanfarna skeið.

Fólkatal

Met í seks kommunum

Fólkavøkstur hevur verið í Føroyum í tíggju ár, og í fleiri kommunum setur talið met hvønn mánað. 1. apríl setti fólkatalið met í seks kommunum. 

 Tórshavnar kommunu, har meir enn helvtin av fólkavøkstrinum hevur verið seinasta árið, nærkast fólkatalið nú 23.300.

Næststørsti vøkstur var í Klaksvíkar kommunu, har fólkatalið fyri fyrstu ferð er farið upp um 5.500.

Triðstørsti vøksturin  var í Runavíkar kommunu, har næstan 4.400 fólk búgva, og Vága kommuna hevði fyri fyrstu ferð fleiri enn 2.200 fólk.

Í Nes kommunu nærkast fólkatalið 1.550, og við framhaldandi støðuga fólkavøkstrinum í Sjóvar kommunu er fólkatalið farið væl upp um 1.200.