- Tíðindi, mentan og ítróttur
Tingið farið undir aðru viðgerð av fosturtøkulógini
Tingið farið undir aðru viðgerð av fosturtøkulógini
Tingið atkvøður í málinum, tá orðaskiftið er liðugt
Skelti - bæði fyri og ímóti fríiari fosturtøku - eru sett upp, nú tingið hevur aðru viðgerð av uppskotinum um fría fosturtøku til 12. viku.
Mynd: Bjarni Árting Rubeksen
15.05.2024 - 15:11
Fyri løtu síðani fór løgtingið undir aðru viðgerð av uppskotinum hjá landsstýrismanninum í lógarmálum um fría fosturtøku fyri 12. viku.
Málið hevur verið til viðgerðar í rættarnevndini, sum hevur býtt seg í tríggjar minnilutar.
Samgonguumboðini taka undir við uppskotinum, tó ikki Henrik Old í Javnaðarflokkinum.
Samgonguumboðini hava eitt broytingaruppskot.
Tey siga, at er tað móti etisku ella átrúnaðarligu fatanini hjá heilsustarvsfólki á sjúkrahúsi at fremja ella viðvirka til fosturtøku, skulu tey sleppa undan.
Andstøðuumboðini í rættarnevndini mæla frá at samtykkja uppskotið.
Les álitið frá rættarnevndini her
Eins og tá fosturtøkumálið var til fyrstu viðgerð er stórur áhugi fyri orðaskiftinum í dag, tí áhoyraraplássini eru fullsett.
Tá orðaskiftið við aðru viðgerð er liðugt, fer tingið at atkvøða í málinum, men nær tað verður, er ógreitt.
Fylg orðaskiftinum í tinginum her.
Bjarni Rubeksen tók myndirnar:
Er kopiera
Nýggjastu sendingar í ÚV
Nýggjastu sendingar í SV
