Tikin fyri at smugla hassj innvortis

Ein maður, sum kom til Havnar í gjáramorgunin við Norrønu, er tikin fyri at smugla hassj innvortis.

Talan er um millum 30 og 40 gramm.

Tollararnir fingu illgruna til mannin.

Farið var við honum í skannara á Landssjúkrahúsinum. Og har sást, at hann hevði rúsevni innvortis.

Av tí at nøgdin ikki er stór, verður ikki farið í rættin við manninum. 

Málið verður avgreitt við sekt.