Meldurhvirla rakti flogfar - eitt ferðafólk læt lív

Eitt ferðafólk læt lív og fleiri fingu skaða, tá ein meldurhvirla - turbublensur - rakti eitt flogfar hjá Singapore Airlines, sum í gjár var á veg til Singapore úr London

Tað skrivar flogfelagið á Facebook sambært danska kringvarpinum. 

- Vit kunnu vátta, at fólk eru særd, og ein hevur latið lív í flogfarinum. Singapore Airlines hevur samkenslu við teimum avvarðandi, sigur flogfelagið. 

Flogfarið fekk síðani boð um at flúgva til Bangkok, hagar tað kom í dag. 

211 ferðafólk og manningin, sum taldi 18 fólk, vóru við flogfarinum.