Verkfallið rakar skúlar

Verkfallið rakar nú skúlagongdina í fleiri skúlum kring landið, og fleiri steingja í morgin ella seta fleiri avmarkingar.

Ein av skúlunum, sum steingir í morgin, er Fuglafjarðar skúli. Berlys Toftadal er skúlastjóri.

Skúlin setti seg í samband við Fólkaheilsustýrið, og síðan er avgerð tikin um, at eingin skúlagongd verður frá í morgin, mikudagin, so leingi verkfall er.

Fleiri aðrir skúlar steingja eisini ella hava avmarkingar í skúlagongdini, nú tað ikki er vaskað í skúlunum,  millum annað Runavíkar Kommunuskúli, Skúlin á Skúlatrøð og Skúlin á Giljanesi.