Áhugi fyri Óla Mittún í Danmark og Týsklandi

"Mittún med sitt nionde mål. Han är otrolig!" 

So bersøgin var frásøgumaðurin í svenska ríkissjónvarpinum, tá føroyska hondbótsstórtalentið, Óli Mittún, í gjárkvøldið stórspældi, tá felag hansara, IK Sävehof, vann svenska meistaraheitið. 

Óli Mittún skoraði níggju mál, legði upp til átta onnur mál, og var kosin dagsins leikari í avgerandi finaludystinum móti Ystads, sum teir gulu og svørtu vunnu 27-32.

Í Sävehof næsta kappingarár

Dysturin í gjárkvøldið staðfesti eisini, at steðgurin í svenskum hondbólti neyvan verður drúgvur hjá føroyska stórtalentinum. 

Óli Mittún letur heldur ongan iva vera um, at hann ætlar sær at fylgja systkinabarninum Eliasi Ellefsen á Skipagøtu upp á hægstu hondbóltstindarnar. 

Spurdur beinleiðis, um hann spælir í IK Sävehof næsta kappingarár, svarar Óli Mittún avgjørdur ja.

"Eg spæli í øllum førum í Sävehof næsta kappingarár, men so fáa vit at síggja, hvat tað verður til."

Óli Mittún, Føroyar-Norðurmakedonia, hondbóltur, HSF

Frítekst tagging: 

Óli Mittún

Føroyar-Norðurmakedonia

Hondbóltur

HSF

Bjarni Árting Rubeksen

Mynd: Bjarni Árting Rubeksen

Áhugi úr størri deildum

Óli Mittún gloppar dyrnar fyri, at tað eru feløg úr størstu evropisku hondbóltsdeildunum, ið liggja framvið. 

"Hatta er sovorðið, ið umboðsmaðurin hjá mær tekur sær av, og so komi eg við í samrøðuna, tá okkurt ítøkiligt liggur á borðinum," sigur Óli Mittún, tá hann verður spurdur um áhugan. 

"Áhugin er úr Týsklandi og Danmark og sovorðnum støðum," avdúkar nýklækti svenski meistari tó.