Ankestyrelsen kann eisini viðgera føroysk mál um ættleiðing

Bjarni K. Petersen, landsstýrismaður í lógarmálum, og Pernille Rosenkrantz-Theil, almannamálaráðharri, hava skrivað undir ískoytisavtalu um ættleiðing.

Danska stjórnin arbeiðir við at broyta donsku ættleiðingarlógina, so heimildin at miðla altjóða ættleiðingar, sum í dag er hjá Danish International Adoption (DIA), kann leggjast til Ankestyrelsen at umsita, um tað verður neyðugt.

Við ískoytisavtaluni verður tryggjað, at Ankestyrelsen eisini kann yvirtaka og viðgera føroysk mál um ættleiðing.

16. januar boðaði felagsskapurin Danish International Adoption (DIA) frá, at tey fara at gevast við at miðla altjóða fremmandaættleiðingar. 

DIA er einasti felagsskapur í Danmark, sum í løtuni miðlar ættleiðingar í Danmark og harvið eisini í Føroyum.