Meksiko fær kvinnuligan forseta

Fyri fyrstu ferð í søguni kann ein kvinna gerast forseti í Meksiko. 

Í gjár var forsetaval í landinum. Tvær kvinnur hava verið á odda í valstríðnum.

Onnur eitur Claudia Sheinbaum, og er borgarstjóri í meksikanska høvuðsstaðnum. Hin eitur Xóchitl Gálvez, sum hevur verið borgarstjóri í býnum Miguel Hidalgo.

38 valevni dripin

Valstríðið, sum byrjaði 1. mars, hevur tó verið alt annað enn friðarligt, tí brotsmannalið hava dripið frá hond. 

Sambært Reuters eru 38 fólk, sum stillaðu upp til valið, dripin, tí tey undir valstríðnum gjørdu greitt, at tey ætlaðu arbeiða ímóti brotsmannaliðum og tí rúsevnismarknaði og harðskapi, sum er í landinum. 

Hundrað milliónir fólk búgva í Meksiko.