Sleppa framvegis ikki at landa fiskin

Frystilínuskipini Pison og Polarstjørnan liggja fullfermd á Klaksvík, men verkfallið hevur við sær, at tey verða ikki landað.

Pison er komin av Flemish Cap, og Polarstjørnan hevur roynt undir Grønlandi.

Higartil er einki undantak givið at landa fiskin.

Eyðstein Sørensen, skipari á Pison, sigur, at virðið á lastini er einar 8-9 milliónir kr. Vandi er fyri, at fiskurin spillist, tí sum tíðin gongur, tiðnar hann. 

Polarstjørnan

Polarstjørnan er komin undan Grønlandi, men verður heldur ikki landað. (Mynd: Frants Jensen)

Trý onnur frystilínuskip, sum hava roynt á Flemish Cape, eru eisini farin at sigla heim. Tey eru Eivind, Jógvan I. og Sandshavið.

Fiskur av Flemish Cape kann ikki landast uttanlands, men skal um føroyskan kaikant.

Hoyr Frants Jensen úr Klaksvík:

Núpur, línuskip

Línuskipini Núpur og Kvikk liggja eisini á Klaksvík. (Mynd: Frants Jensen)

Sí alla samrøðuna, sum Georg L. Petersen gjørdi við Eyðstein Sørensen, skipara á Pison, í Degi og viku týskvøldið: