Føroyskt koyrikort í Danmark og danskt koyrikort í Føroyum

Danska stjórnin er sinnað at gera eina skipan, har føroysk talgild koyrikort verða góðkend í Danmark, og arbeiða fyri, at donsk talgild koyrikoyrt verða góðkend í Føroyum.

Tað sigur Anna Falkenberg, fólkatingskvinna fyri Sambandsflokkin, sum hevur havt fund við Thomas Danielsen, ferðslumálaráðharra.

Fólkatingskvinnan hevur tikið málið upp við ráðharran, tí hon hevur fingið fleiri áheitanir um, at føroyingar eru ónøgdir við, at hevur tú eitt føroyskt koyrikoyrt, so ber ikki til at fáa tað góðkent í donsku talgildu skipanini.

Thomas Danielsen

Thomas Danielsen er ferðslumálaráðharri í Danmark. 

Anna Falkenberg sigur, at Thomas Danielsen hevur lovað, at ein loysn kann setast í verk í Danmark, soleiðis at føroysku koyrikortini verða partur av talgildu skipanini í Danmark.

Sum er, verður eitt danskt talgilt koyrikort heldur ikki góðkent í føroysku skipanini í dag.

Ætlanin er eisini, at danir skulu sleppa undan at skifta koyrikort, tá ið teir koma til Føroya.