Fyrrverandi forseti 45 ára fongsul fyri rúsevnissmugling

Fyrrverandi forsetin í Honduras, Juan Orlando Hernandez, er dømdur 45 ára fongsul í USA fyri at hava viðvirkað til umfatandi rúsevnissmugling.

- Hernandez broytti landið til eitt rúsevnisríki, meðan hann var forseti frá 2014 til 2022, sigur amerikanska ákæruvaldið.

Hernandez skal hava samstarvað við rúsevnissmuglarar, og nýtt herin og løgregluna í landinum til uttan forðingar at fáa fleiri hundrað tons av kokaini inn í USA.

Nevningatingið í New York dømdi hann í mars mánaði sekan í ákærunum, og revsingin var kunngjørd í gjár.