Grindaøki lýst fyri at forða óviðkomandi at nærkast grindadrápinum

Løgreglan lýsti fyrrapartin eitt grindaøki fyri grindina, sum varð funnin út fyri Viðvík, og sum var rikin á Hvannasund.

Fyri at forða fyri, at óviðkomandi nærkast grindadrápinum, verður grindaøkið lýst ein fjórðing, ella knappliga tveir kilometrar í radius, í allar ættir, frá grindini. Tað vil siga eisini fyri møguligar dronur, sum flúgva uppiyvir økinum.

Orsøkin til, at økið verður lýst sum grindaøki, er, at umboð fyri onkran umhvørvisfelagsskap er á staðnum, verður sagt av løgreglustøðini.