Barsilsgjaldið er minni enn lønin - kann raka fíggjarstøðuna

Nógv forvinna meira, enn tey kunnu fáa í barsilsútgjaldi, sum nú er 30.000 kr. um mánaðin.

Tí kann tað hava avleiðingar fyri fíggjarstøðuna, tá ið fólk skulu í barnsburðarfarloyvi. 

Tað sigur Turið F. Arge, forstjóri í Føroya Banka:

Turið F. Arge hevur eisini aðrar tankar um, hvussu hámarkið fyri barsilsútgjaldið kann ávirka ungar familjur:

Pengar, pengaseðlar

Hámarkið fyri barsilsgjald er 30.000 kr. um mánaðin, men nógvar kvinnur forvinna meira. (Savnsmynd)

Meira enn triðingurin av kvinnunum á føroyska arbeiðsmarknaðinum, sum eru millum 20 og 40 ára gamlar, forvinna meira enn hámarkið fyri barsilsútgjaldið.

Vanligasta lønin hjá hesum kvinnunum (medianlønin) er sambært Hagstovuni umleið 36.000 krónur.

Hjá nógvum kvinnum kostar tað sostatt 6.200 krónur fyri hvønn mánað í barnsburðarfarloyvi, tá ið tær ikki fáa løn frá arbeiðsgevaranum. Talið er sjálvandi ymiskt, alt eftir hvat kvinnan tjenar. 

Menn fáa 12.000 kr. minni

Tá ið talan er um menn, eru tølini størri enn hetta.

Vanligasta lønin hjá monnum í sama aldursbólki er, sambært Hagstovuni, umleið 42.000 krónur. Hjá nógvum monnum kostar tað sostatt umleið 12.000 krónur um mánaðin at fara í barnsburðarfarloyvi, tá ið teir ikki fáa løn frá arbeiðsgevaranum.