Mugu helst siga, nær innflutningurin av oljuriknum akførum skal steðgast

  
- Partur av orku- og veðurlagspolitikkinum er at finna útav, nær innflutningurin av oljuriknum akførum skal steðgast. Nær tað verður, er ov tíðliga at siga, sigur landsstýriskvinnan í umhvørvismálum. 

Vit hava sett okkum fyri at vera grøn í 2030, men fyri at røkka tí málinum, má ferðslan eisini gerast grønari. 

Kortini eru bert sjey prosent av øllum persónbilunum á føroysku vegunum el-bilar. 

Tað er framvegis langt eftir á mál, sigur Ingilín D. Strøm, landsstýriskvinna í umhvørvismálum. 

Í Føroyum er annarhvør nýggjur bilur ein elbilur, og til samanberingar so keypir meira enn níggjundi hvør norðmaður sær nú el-bil.