Havt koyrikortið í minni enn trý ár, men koyrdi 133 km/t

Løgreglan gjørdi ferðkanningar í Kollafirði í gjár. 

Ein bilførari, sum hevur havt koyrikort í minni enn trý ár, fekk koyriforboð í gjár, tí hann, sambært máting hjá politinum, koyrdi 133 km/t.

Ein annar, sum koyrdi 104 km/t, fekk sekt, og ein, sum koyrdi 105 km/t, fekk klipp í koyrikortið og sekt.

Hvør hevur borið við ferðsluljós?

Politiið vil fegið frætta, um onkur veit, hvør hevur borið við ferðsluljósið, sum hongur yvir R.C. Effersøesgøtu í Havn.

Ljósið er góðar sjey metrar uppi.

Fráboðan kom klokkan hálvgum sjey i gjárkvøldið um, at ferðsluljósini í R.C. Effersøesgøtu virkaðu ikki.

Orsøkin var, at onkur hevur rakt ljósið, sum hongur yvir vegnum.

Tríggjar tímar seinni lýstu ferðsluljósini aftur.

Gjørdi seg inn á tollara

Og ein maður var tikin á flogvøllinum í gjár, tí hann gjørdi seg inn á ein tollara.

Maðurin kom við flogfari og var rættiliga ávirkaður, sigur politiið.