Smyril Line: Vegskattur á útlendskar bilar fer at gera ferðavinnuni fortreð

Smyril Line heldur lítið um ætlanina hjá landsstýrinum at krevja vegskatt - eisini kallað vektgjald - frá útlendskum bilum, sum koma til Føroya, tí tað kastar lítið av sær, men ger vinnuni stórt fortreð.

Lógaruppskotið um at krevja vektgjald frá útlendskum bilum, sum koma til Føroya, skal ætlandi leggjast fyri tingið í heyst.

Jens Meinhard Rasmussen, stjóri í Smyril Line, ið flytur stórt sæð allar teir útlendsku bilarnar til og úr Føroyum, vísir á, at tað bara kemur at raka ferðavinnuna.

Jens Meinhard Rasmussen, Smyril Line

Mynd: Bjarni Árting Rubeksen

Landsstýriskvinnan nevnir Smyril Line sum ein møguleika, tá ið ætlaði vegskatturin skal krevjast inn.

Men Jens Meinhard Rasmussen dugir ikki at síggja, at avgjaldið fer at kasta nakað av sær yvirhøvur, tí tað mest fer út aftur í umsiting.

At leggja fleiri avgjøld á ferðavinnuna, nú hon er við at fóta sær aftur eftir koronu, hevur stjórin í Smyril Line ilt við at síggja nakra meining í.