Nýtt navn í Grønlandi eisini

BankNordik í Grønlandi skal hava nýtt navn.

Tað sigur stjórin í Føroya banka, Turið F. Arge, við KNR, grønlendska kringvarpið.

BankNordik er ikki longur virkin í Danmark.

Tí er norðurlendskt ljómandi navnið, BankNordik, ikki tíðarhóskandi longur.

Øll kunnu vera við í navnakappingini hjá bankanum, eisini tey, sum ikki eru viðskiftafólk hansara.

Nógv góð uppskot eru longu komin, sigur bankastjórin.

Freistin er til 25. august.

Nýggja navnið skal bæði umfata virksemið hjá bankanum og vera lætt at siga og skriva.

Trý fólk í BankNordik eru í dómsnevndini.

Í mars broytti BankNordik í Føroyum navnið til Føroya banki.