Grikkar biðja um hjálp

Grikkaland er illa rakt av skógareldum, og nógvi hitin ger eisini støðuna verri. 

Luftin í grikska høvuðsstaðnum, Aten, er nú so mikið illa dálkað av royki, at tað er trupult at anda.

Grikskir myndugleikar biðja nú Kroatia og Spania um hjálp at basa nógvu skógareldunum í landinum.

Tað skrivar BBC.

Grikkaland, Skógareldar

Millum annað eru 65 fólk flutt burtur úr einum psykiatriskum sjúkrahúsi í bygdini Penteli, og streymslit ger sløkkiarbeiðið trupult.

Fleiri túsund fólk eru flutt burtur úr økjum, har harðast leikar á.

Grikkaland, Skógareldar, Aten, Athen

Nógvi vindurin fær eldarnar at eta seg gjøgnum stór øki við nógvari ferð, meðan griksku myndugleikarnir royna at fáa tamarhald á støðuni. 

Fólk eru flutt burtur úr 11 býum, harundir trimum sjúkrahúsum, eitt nú úr søguliga býnum Marathon, sum liggur 40 kilometrar frá Aten. 

Fleiri enn 670 sløkkiliðsfólk, 17 vatnbumbuflogfør, 15 tyrlur og 183 brandbilar eru, sambært AP, í brúk fyri at basa eldinum, ið kyknaði sunnudagin.