Skógareldar í Grikkalandi: Eitt fólk latið lív

Eitt fólk hevur latið lív av skógareldunum, sum herja í Grikkalandi.

Fólkið varð funnið í einum húsum, sum vóru brunnin í grund.

Hetta var í Vrilissia, sum forstaður til grikska høvuðsstaðin, Aten.

Skógareldar, Grikkaland

Talsfólkið fyri sløkkiliðið, Vassileios Vathrakogiannis, sigur, at eldarnir ikki eru líka stórir longur, men at framvegis eru fleiri eldar, millum annað í býunum Marathon og Panteli eystanfyri Aten.

Veðurlíkindini gera, at tað framvegis er stórur vandi fyri skógareldum, bæði í dag og restina av vikuni.

Skógareldar, Grikkaland

Sambært griksku myndugleikunum hava í minsta lagi 18 fólk fingið skaða av eldunum.