- Tíðindi, mentan og ítróttur
Turkur valdar í sunnara parti av Afrika
Turkur valdar í sunnara parti av Afrika
Turkur valdar í sunnara parti av Afrika, og um 68 milliónir fólk mangla nú mat
![](https://kvf.fo/sites/default/files/styles/grein-ovasta-mynd/public/turkur_1.jpg?itok=3xqXzVEc)
Í Simbabvi merkist turkurin.
Mynd: Philimon Bulawayo/Reuters/Ritzau Scanpix
18.08.2024 - 18:30
Tað upplýsir felagsskapurin, SADC, sum skipar samstarvið millum londini í økinum.
Turkurin elvir til misvøkstur, mattrot og rakar eisini búskapin í teimum 16 londunum í økinum, millum annað Tansania, Simbabvi og Sambia, skrivar NRK.
Okkurt um 68 mió. fólk, ella 17 prosent av fólkunum í økinum, tørva nú matvøruhjálp uttanífrá, upplýsir Elias Magosi, aðalskrivari í SADC.
Veðurfyribrigdið El Nino, og veðurlagsbroytingarnar fáa skyldina fyri, at regntíðin í ár er seinkað.
Nýggjastu sendingar í ÚV
Nýggjastu sendingar í SV