- Tíðindi, mentan og ítróttur
Indiski forsætisráðharrin ætlar sær til Ukraina
Indiski forsætisráðharrin ætlar sær til Ukraina
Verður vitjanin fingin í lag, er tað fyrstu ferð síðani russisku innrásina í februar 2022, at indiski stjórnarleiðarin vitjar Ukraina
![](https://kvf.fo/sites/default/files/styles/grein-ovasta-mynd/public/modi_og_zelenskij.jpg?itok=9fI6-mFZ)
Indiski forsætisráðharrin, Narendra Modi, hitti ukrainska forsetan, Zelenskij, á G7-toppfundi í fjør. Nú ætlar Modi sær til Ukraina á vitjan.
Mynd: Reuters/Ritzau Scanpix
19.08.2024 - 14:21
Ein mánað eftir, at indiski forsætisráðharrin, Narendra Modi, og russiski forsetin, Vladimir Putin, hálsfevndust uttan fyri Kreml í Moskva, ætlar indiski forsætisráðharrin sær á vitjan í Ukraina.
Tað skrivar Reuters sambært danska kringvarpinum.
Eingin dagur er ásettur fyri vitjanina, men verður vitjanin fingin í lag, er tað fyrstu ferð síðani russisku innrásina í februar 2022, at indiski forsætisráðharrin vitjar Ukraina.
Tá hann var í Russlandi fyri einum mánaði síðani, segði Narendra Modi, at "kríggj loysir ongan trupulleika," og hann heitti á partarnar um at samskifta um frið.
India hevur verið sameindi hjá Russlandi síðani kalda kríggið, og landið hevur alla tíðina havt handilssamband við Russland.
Nýggjastu sendingar í ÚV
Nýggjastu sendingar í SV