Temafrágreiðing kann ikki bíleggjast frá Búskaparráðnum

Hvørki landsstýrið ella onnur skulu kunna bíleggja eina ávísa temafrágreiðing frá Búskaparráðnum.

Búskaparráðið ger sjálvt av, hvørji evni tað viðger í frágreiðingunum.

Tað fekk fíggjarnevndin at vita, tá hon viðgjørdi uppskotið frá landsstýrinum um, at Búskaparráðið bara skal gera eina konjunkturfrágreiðing og eina temafrágreiðing um árið.

Galdandi lóg um Búskaparráð sigur, at ráðið skal gera tvær konjunkturfrágreiðingar um árið og temafrágreiðingar.

Tí tekur fíggjarnevndin undir við.

Árliga konjunkturfrágreiðingin skal kunngerast 1. mars.

Eingin áseting er í uppskotinum um, nær temafrágreiðingin skal kunngerast.

Landsstýrið heldur, at broytingini fer at gera, at avmarkaða arbeiðsorkan hjá Búskaparráðnum verður betur brúkt.