![](https://kvf.fo/sites/default/files/styles/myndasavn-width/public/455758500_843577991205644_3053270305669678378_n.jpg?itok=-G_783JS)
- Tíðindi, mentan og ítróttur
U15-kvinnulandsliðið í fótbólti vann sannførandi móti Letlandi
U15-kvinnulandsliðið í fótbólti vann sannførandi móti Letlandi
Eftir eitt tepurt og harmiligt 3-2 tap móti Litavai í gjár, so reistu U15-kvinnulandsliðið í fótbólti seg í dag og vann 3-1 móti Letlandi í Baltic Cup
![](https://kvf.fo/sites/default/files/styles/grein-ovasta-mynd/public/img_5686.jpeg?itok=zpKdA2jc)
21.08.2024 - 15:05
Føroya U15-kvinnulandsliðið í fótbólti luttekur í hesum døgum í Baltic Cup í Estlandi.
Í gjár, mánadagin, spældu Føroyar móti Litava, men taptu tepur 3-2, hóast Føroyar vóru á odda 2-1. Sigrið Hansdóttir skeyt bæði málini.
Tíverri fekk málverjin eitt óheppið reytt kort í tí dystinum, og tað kostaði í síðsta enda sigurin.
Vunnu sannførdandi
Hetta merkti eisini, at málverji ikki fekk verið við í dystinum í dag ímóti Letlandi, men tað sást ikki aftur á avrikinum.
Føroysku U15-fótbóltskvinnurnar vunnu sannførandi 3-1 móti Letlandi.
Nú restar ein dystur í kappingini, og hann er fríggjadagin móti Estlandi.
Tvímálsskjúttin og liðskiparin á føroyska U15-kvinnulandsliðnum í fótbólti, Sigrið Hansdóttir
Nýggjastu sendingar í ÚV
Nýggjastu sendingar í SV