U15-kvinnulandsliðið í fótbólti vann sannførandi móti Letlandi

Føroya U15-kvinnulandsliðið í fótbólti luttekur í hesum døgum í Baltic Cup í Estlandi. 

Í gjár, mánadagin, spældu Føroyar móti Litava, men taptu tepur 3-2, hóast Føroyar vóru á odda 2-1. Sigrið Hansdóttir skeyt bæði málini. 

Tíverri fekk málverjin eitt óheppið reytt kort í tí dystinum, og tað kostaði í síðsta enda sigurin. 

Vunnu sannførdandi

Hetta merkti eisini, at málverji ikki fekk verið við í dystinum í dag ímóti Letlandi, men tað sást ikki aftur á avrikinum.

Føroysku U15-fótbóltskvinnurnar vunnu sannførandi 3-1 móti Letlandi. 

Nú restar ein dystur í kappingini, og hann er fríggjadagin móti Estlandi. 

U15-kvinnulandsliðið í fótbólti, Sigrið Hansdóttir

Tvímálsskjúttin og liðskiparin á føroyska U15-kvinnulandsliðnum í fótbólti, Sigrið Hansdóttir