Uppskot um at stuðul úr statskassanum skal bara brúkast í Føroyum

Uppskot um at stuðul úr statskassanum skal bara brúkast í Føroyum
Stuðulin, sum tey fáa, sum eru vald í Føroyum í fólkatingið, skal bara brúkast til politiskt arbeiði í Føroyum
Føroyar eiga tveir sessir í fólkatinginum.
 
22.08.2024 - 06:26


Stuðulin, sum tey fáa, sum eru vald í fólkatingið, skal bara kunna brúkast til politiskt arbeiði í Føroyum.

Av misgáum var lógin um stuðul til flokkar og uttanflokkavalevni, sum eru í fólkatinginum, ikki kunngjørd í Føroyum, tá hon kom í gildi í 1987.

Nú skal hon so kunngerast í Føroyum.

Uppskot um ríkislógartilmæli kom um tað í løgtingið í gjár.

Lógin er tó brúkt í Føroyum, hóast hon ikki hevur verið í gildi her.

Steðgaði í 2022

Hon er brúkt fram til á heysti 2022, tá fólkatingsval var seinast.

Tey, sum fáa minst 1000 atkvøður á fólkatingsvali, fáa stuðul.  

Men nakrar broytingar koma nú. 

Stuðulin kann í framtíðin bara brúkast til politiskt arbeiði í Føroyum og ikki, sum higartil, í øllum ríkinum.

Og revsing verður fyri at geva skeiva váttan um væntaðar og hildnar útreiðslur til politiskt arbeiði.

Hetta hevur higartil ikki verið galdandi í  Føroyum.

Bara um Føroyar vilja

Fólkatingið vil tó bara broyta hetta, um Føroyar vilja tað.

Landsstýrið vil, at markið, sum er 1000 atkvøður, verður lækkað.

Tað vil stjórnin ikki.

Hon heldur, at sama mark skal vera í Føroyum og Grønlandi.

Uppskotið hevur verið til ummælis hjá øllum flokkum í Føroyum, Gjaldstovuni og Landsgrannskoðanini.

Einki ummæli kom.  

Er kopiera
Nýggjastu sendingar í ÚV
Mikudag 30. juli
Morgunlestur mikudagur 30. juli 2025
194901
Týsdag 29. juli
Ringreiðin
195039
Týsdag 29. juli
Ólavsøka í Studio 4
195035
Nýggjastu sendingar í SV
Týsdag 29. juli
Upp á gólv - Ólavsøkudag
195038
Týsdag 29. juli
Tingið verður sett
195033
Týsdag 29. juli
Guðstænasta úr Havnar kirkju
195031
Mánadag 28. juli
Á Ólavsøku 2025
195019
Mánadag 28. juli
Ólavsøkan verður sett 2025
195018