Landsstýrismálanevndin ætlar at gera niðurstøðu í hesum mánaðinum

Landsstýrismálanevndin viðger framvegis kærurnar um  Dennis Holm, landsstýrismann í fiskivinnumálum, og um Ingilín Didriksen Strøm, landsstýriskvinnu í umhvørvismálum.

Dennis Holm er kærdur fyri at hava latið 35.000 tons av svartkjafti sum felagskvotu við hámarki, og tað halda nótaskipini vera at taka søgulig rættindi frá sær.

Hans Jacob Thomsen

Hans Jacob Thomsen. 

Ingilín Didriksen Strøm er kærd fyri at hava sagt ósatt fyri Løgtinginum, tá ið hon segði seg ikki hava fingið ábendingar um, at Húsalánsgrunnurin og Bústaðir høvdu trupulleikar við langtíðarhaldførinum.

Landsstýrismálanevndin hevði fund um báðar kærurnar fyrrapartin, men hóast Hans Jacob Thomsen, formaður í nevndini, sigur, at allir steinar nú munnu vera vendir, koma ongar niðurstøður fyrr enn seinni henda mánaðin:

Talan er um tvær ymsar kærur, men formaðurin í landsstýrismálanevndini væntar, at niðurstøðurnar um báðar fara at koma í senn.